தமிழ்மண திரட்டிமேம்பட

முன் பொறுப்பு அறிவித்தல் :கிளம்பிட்டான்..பெட்டியை கட்டிக்கிட்டு என்று குமுறுகிறவர்கள் தயவு செய்து அமைதி காக்கவும்.

மாற்றம் ஒன்றே மாறாதது எங்கோ படித்த ஞாபகம்,தமிழ்மணத்திலே சமிபகாலமாக முகப்பு பகுதியிலே பல மாற்றங்கள் நடை பெறுகிறது, வெட்டுவதும் ஒட்டுவதுமாக, சூடான இடுக்கை சென்னை வானிலை அறிக்கை மாதிரி வருது போகுது, அதிலே பெரிய பிரச்சனையே செய்திகளை வெட்டி ஒட்டி வரும் பதிவுகள் ஆக்கிரமிப்பதே என்பதாக வாதம்.முகப்பிலே ஒரு பொறுப்பு அறிவித்தல் வைத்து, நீங்க செய்திகளில் இருந்து சுடும் போது குறிச்சொற்கள் "செய்தி, செய்திகள்" என் இருக்க வேண்டும், அப்படி இருந்தா அந்த பதிவு செய்திக்கு பிரிவுக்கு ஓடிவிடும், அப்படி செய்யாமல் என்னை மாதிரி குறுக்கு வழியிலே வரும் நண்பர்களுக்கும் சேத்து இன்னும் ஒன்னையும் செய்யணும், உங்க பதிவு செய்தியிலே இருந்து ஒட்டுனதுன்னு எங்களுக்கு தெரிய வந்தது என்றால் அந்த பதிவு தமிழ் மணத்தை விட்டு நீக்குவோம் ன்னு சொல்லிடுங்க.நீக்குறீங்களோ இல்லையே குறைந்த பட்சம் பதிவு label லபெலிலே குறிச்சொற்க்களை சேர்க்க வாய்ப்பு இருக்கு.இதை சரி பண்ணினால் பிரச்சனை சரியாகுமா இல்லை அதிகமாத்தான் இருக்கும்.அதுக்கும் சில யோசனைகள் இருக்கு.

முகப்பிலே என் அறிவுக்கு எட்டிய சில மாற்றங்கள்,இது அறிவுரையோ அழுவின உரையே அல்ல, தமிழ்மண வாசகன் என்பதால் மனதில் பட்டவை.

1) தமிழ் மண முகப்பிலே 30 பதிவுகள் வரைதான் காட்ட முடியுது, பதிவுகளை காட்டும் இடத்திற்கு இடையே இருக்கும் இடைவெளியை குறைத்து குறைத்தது 50 பதிவுகளை காட்டலாம்.

2) பதிவு முதல் பக்கத்தை கடந்து விட்டால், இந்தியப் பெருங்கடலில் விழுந்த ஒரு கல்லைப் போல ஆகிவிடுகிறது, கடலிலே கலக்கும் நதியை தடுக்க அணை கட்டி காப்பது போல,முதல் பக்கத்திலே paging உபயோகித்து,AJAX முறையை பயன் படுத்தினால், முகப்பை விட்டு கடந்து செல்லாமல் படிப்பதற்கு வசதியாக இருக்கும்,கிணற்றிலே விழுந்த கல்லை தேடுவது போல எளிதாக தேட வழி வகுக்கும்.

3) "வாசகர் பரிந்துரை" யிலே ஒரு லிங்க் கொடுத்து வாசகர் பரிந்துரையிலே வந்த அனைத்து பதிவுகளை வரிசைப்படுத்தல்லாம்.

4) சூடான இடுக்கைகளிலும் ஒரு லிங்க் கொடுத்து சூடான இடுக்கையிலே வந்த அனைத்து பதிவுகளை வரிசைப்படுத்தல்லாம். பதிவுகள் எண்ணிக்கை அதிகம் ஆகும் போது database சிலே இருந்து load ஆக அதிக நேரம் எடுக்கும் எனவே அதை சரி செய்ய 3,4 க்கு caching பயன் படுத்தலாம், ஒரு நாளைக்கு ஒருமுறை cache refresh செய்து புது பதிவுகளை சேர்த்து கொள்ளலாம்.


பின் பொறுப்பு அறிவித்தல் : எங்க அலுவலகத்திலே "so called architect" எல்லாம் இந்த வேலையைத்தான் செய்யுறாங்க, ஹும்..என்ன செய்ய .. எனக்கு வாய்ப்பு கிடைக்கலை, அதனாலே நானே வாய்ப்பு உருவாக்கி கிட்டேன்.அதனாலே மேல சொன்னது எல்லாம் மொக்கையாகவோ, மரண மொக்கையாகவோ இருந்தால் நான் பொறுப்பு அல்ல