மன்மதன் அம்பு விமர்சனம்

ரஜினி படமா இருந்து இருந்தா இவ்வளவு ஆடம்பர செலவு செய்றதுக்கு பதிலா ௬வத்தை நைல் நதி ஆக்கி இருக்கலாம் என்று படம் வெளிவரும் ஒரு மாதத்துக்கு முன்னே எதிர் வினைகள் குற்றால அருவி மாதிரி வந்து இருக்கும்,அந்த படம் ஓடப்போற திரை அரங்கம் பக்கமே தலை வைத்து படுக்கவே மாட்டேன் என்று சபதம் ஏற்று இடுகைகள் வந்து இருக்கும். படத்துக்கும் நல்ல விளம்பரம் கிடைத்து இருக்கும், விளம்பர இடுகைகள் குறைவா இருந்ததாலே எந்த விட எதிர்பார்ப்பும் இல்லாம படத்துக்கு போனேன்.

எதிர்பார்ப்பு இல்லாம போனதாலே நான் ஏமாறலை கொடுத்த காசுக்கு வஞ்சகம் இல்லாம பொழுது போச்சி படம் முடியும் வரை, கமல் படங்களிலே வழக்கமா வரும் நடசத்திர பட்டாளங்களுடன் மீண்டும் ஒரு நகைச்சுவை கலந்த காதல் கதை, காதல் இல்லைனா தமிழ் படமே இல்லை என்ற தலையாய விதிக்கு உட்பட்டு மற்றுமொரு காதல் கதைக்களம்.பாகிஸ்தான் ஆளுங்களை அடித்து விரட்டி விட்டு கஷ்மீர்ல கொடியை நாட்டும் நம்மவர்கள், ஆலிவுட் படங்கள் மாதிரி வேற்று கிரக ஆள்களை அடிச்சி விரட்டி இந்திய கொடிய பறக்க விட இன்னும் பல காலம் இருக்கு. காதலுன்னு சொன்னதினாலே, காதலியை பறக்காவெட்டி மாதிரி ஒளிந்து ஒளிந்து பார்க்கிற காட்சிகள் நிறைய இருக்கு.

வயசான ஆளு  வாலிப புள்ள மாதிரி பண்ணக்௬டாதுக்கு என்பதற்காக நாப்பது வயசிலே ஓய்வு பெற்ற ராணுவ அதிகாரியாயாக கமல் நடித்து இருக்கிறார், நடிகையாகவே திரிசா நடித்து இருக்கிறார், இம்புட்டு அழகா தமிழ் பேச தெரிஞ்சிகிட்டு, குரலை கடன் வாங்கி பேசுறது நல்லவா இருக்கு திரிசா அக்கா(சத்தியமா எனக்கு வாய்ப்பு கிடைக்காது என்று உறுதியானதும் தான் இந்த அக்கா புராணம்).

மாதவன் கிடைத்த பாத்திரத்தை நிறைவாக செய்து இருக்கிறார், காதலியை சந்தேகப்படுவதிலும், சரக்கு அடிப்பதிலும், சரக்கு அடித்த பின் பேசுவதிலும் கொடுத்த காசுக்கு மேல ௬வினதா சந்தேகம் வராது, படம் பார்க்க நீங்க சரக்கு அடித்துவிட்டு போய்
இருந்தால், அதற்கு நிர்வாகம் பொறுப்பு இல்லை என்பதை தாழ்மையுடன் கேட்டுக்கொள்கிறேன்.

சங்கீத சங்கீதமான நடிப்பு, திரிசாவுக்கு தோழியாக வரும் கதாபாத்திரத்தை கன நிறைவாக செய்து இருக்கிறார், நாயகிக்கு இணையாக கதை முழுவதும் வந்து வெற்றி கொடி நாட்டுகிறார். மேலும் கதையில் வரும் மலையாள தயாரிப்பாளர் தம்பதிகள் , குழந்தை நட்சத்திரம், மற்றும் ஊர்வசி, ரமேஷ் அரவிந்த் உட்பட அனைவரும்  ஒளிவு மறைவு இல்லாத நிறைவு.

மேல சொன்னவர்களை விட படம் முழுவதும் கமல் தான் ஆக்கிரமித்து இருக்கிறார், பிரெஞ்சுகாரிக்கு கணவன், ராணுவ அதிகாரி,உளவாளி மற்றும் காதல் மன்னன் இப்படி பல பாத்திரங்களை ஏற்று நடந்தாலும், ரசிகர்கள் பயப்படும் படியாக, முகத்தை அறுவை சிகிச்சை செய்து மாற்றலை, காலை ஓடிச்சி கட்டையா நடந்து எல்லாம் கலவரப் படுத்தலை என்பதுவே மிகப்பெரிய நல்ல விஷயம். கமல் வராத காட்சிகளை விரல் விடாம எண்ணிடலாம்.

முதல் பாதியிலே மெதுவா சென்றாலும் அலுப்பு மருந்து போடுகிற அளவுக்கு சலிப்பு
தட்டலை, இடையிடையிலே நிறைய இங்கிலிபிசு வசனங்கள் வந்தாலும், பக்கத்திலே நல்ல ஆங்கிலம் தெரிஞ்சவங்க கிட்டு கேட்டு தெரிஞ்சிக்கிற மாதிரி இருக்கு, கடைசி இருபது நிமிஷம் கலவர ஓட்டம்.வாய்விட்டு சிரிக்க கூடிய வாய்ப்புகள் படத்திலே நிறைய இருக்கும்,நீங்க இலக்கியவாதியா இருந்தா நிர்வாகம் பொறுப்பு ஏற்காது.ஆள் மாறாட்ட யோசனையை சினிமா உலகத்துக்கு அறிமுகப் படித்தினவரை விட அதிகமாவே கமல் ஆள் மாறாட்ட படங்களை எடுத்துவிட்டார், ஆனா மன்மதன் அம்புல அதைபத்தி பேசிட்டு விட்டுறாரு.

ஒளிப்பதிவு படத்துக்கு நல்ல பலம் என்று எனக்கு தோணுது,படம் முடிந்து வெளியே வரும்போது ௬ட ஒரு பாட்டும் புலப்படலை,இன்னும் படத்திலே பாடல் இருந்ததா என்று யோசித்து கொண்டு இருக்கேன், இவ்வளவு நேரமும் பேசிட்டு கதைய சொல்லவே இல்லையேன்னு நீங்க யோசிக்குறீங்களா, வெள்ளி திரையிலே போய் பார்த்தா உங்களுக்கே நல்லா தெரியும்.கமல் படிச்ச கவுஜையை எல்லாம் வெட்டாம போட்டுட்டாங்களே, நம்ம ஊரு பெருசுங்க இம்புட்டு தூரம் வரமாட்டாங்கன்னு நினைச்சிட்டாங்களோ?

முடிவா ஒரு குத்து வசனத்தோட முடிக்கிறேன்.மன்மதன் அம்பு, பூக்களை வைத்தே எய்கிறார், படம் பார்க்கப் போறவங்களை காயப் படுத்தாது என்னோட தாழ்மையான
எண்ணம்.அதனாலே எதிர்பார்ப்பு இல்லாம போங்க, ஏமாற்றம் இல்லாம திரும்பி வாங்க.

திரை அரங்கிலே போட்ட பின்னூட்டம் "திரிசாவுக்கும், சங்கீதாவுக்கும் கொஞ்சம் பவுடர் பூசி விடுங்கப்பு"

விண்ணைதாண்டி வருவாயா -இலக்கியவாதியின் பார்வையில்

முன்ன பின்ன விமர்சனம் எழுதினது கிடையாது, நானே எழுதி படம் வெளிவரும் முன்னாடி போட்ட விமர்சனம் எல்லாம் கடையிலே விளம்பரத்துக்காக முன்னாடி ஒட்டி வச்சி இருக்கேன். படம் பார்க்க வருகிறீர்களான்னு பிரபல பதிவர் இளாவை கேட்டா, நான்  தியேட்டர்ல படம்  பார்த்துகிட்டு இருக்கேன்னு சொல்லிட்டாரு, நீங்க முன்னாடி வந்து விமர்சனம் எழுதுங்க, நான் உங்களைப் பார்த்து வழக்கம் போல நகல் எடுத்துக்கிறேன்னு சொன்னேன், அவரு இன்னும் விமர்சனம் வெளியிடலை, குடுகுடுப்பையும் இன்னும் படம் பார்க்கலையாம், வந்த விஷயம் சொல்லாமா என்னய்யா இவன்னு கேட்குறீங்களா, இதோ அடுத்த பாரா விமர்சனம் தான்.


வழக்கம் போல துண்டு போடுற கதைதான், இந்திய திரைப் படங்களிலே துண்டு போடாம  எதாவது படம் இருந்தா அந்த படத்துக்கு ஆஸ்கார் விருது கொடுக்கலாம், எவ்வளவு துண்டு கதை வந்தாலும், சுவாரசியம் என்பது ஒரு தனித்திறமைதான், அந்த வகையிலே விண்ணைத்தாண்டின்னு  பெயர் இருந்தாலும் மனசுக்குள்ளே வந்து உட்காரத்தான் செய்யுது. படம் ஆரம்பித்த உடனே நாயகன் போடுற துண்டை நாயகி வாங்குகிறாளா ..நாயகி வாங்குகிறாளா..நாயகி வாங்குகிறாளா, இப்படியே போகுது.

துண்டு போட்ட ஒருத்தனை எப்படி நண்பனாக ஏத்துக்க முடியுமுன்னு உளவியல் அறிஞ்சர்கள் எல்லாம் கொலைவெறியோடு யோசித்து கொண்டு இருக்கும் போது, இல்லை அவன் போட்ட துண்டை நான் கையிலே வாங்கல, ஆனா மனசிலே வாங்கிட்டேன் என்று  நாயகி சொன்னவுடனே தான் விண்ணைத்தாண்டி ௬ரையை பிச்சிகிட்டு வந்தது, பின்ன நான் அந்த காலத்திலேயே இப்படியெல்லாம் முயற்சி செய்து பார்த்து இருக்கிறேன், அடிச்சி விரட்டி புட்டாங்க. சில சமயங்களிலே நாயகனின் மனநிலையையும் வசனத்தையும் பார்க்கும் போது நாயகி துண்டை வாங்கினா தேவலாமுன்னு தோணுது. 

படம் முழுவதும் நிறையை பேசுறாங்க, ஆனா ரசிக்கும் படியாவும் இருக்கு, கஜனி முகமது மாதிரி காதல்ல பலதடவை படை எடுத்து தோத்து போனவங்க எல்லாம் பழைய கொசுவத்தி ஞாபகம் வந்து  தூக்கத்தை கெடுத்தாலும் ஆச்சரியப் படுவதற்கில்லை.காதல் அளவுக்கு அதிகமாவே இருக்கு 

காட்சிகளும் சரி, நடிக, நடிகைகளும் சரி ரெம்ப இளமையாவே இருக்காங்க, முக ஒப்பனை ரெம்ப குறைவு என்பதும் ஒரு காரணம், ஆனா என்னைவிட ஒன்னும் யூத் இல்லை பால அண்ணே, படத்தின் முதல் பாதி நாசா விட்ட ராக்கெட், இரண்டாவது பாதி இஸ்ரோ விட்ட ராக்கெட் மாதிரி வேகம் கொஞ்சம் குறைவுதான், ஆனாலும் போய் சேருமா சேராதா என்ற பயம் எப்போதுமே இருப்பது போல, நாயகனும், நாயகியும் சேருவார்களா என்பதிலே அந்த வேகக்குறைவு நம் கண்ணுக்கு தெரிவதில்லை.

பாடல்கள், பின்னணி இசையையெல்லாம் பேசுற அளவுக்கு எனக்கு இன்னும் வயசு ஆகலை, எங்க ஊரு பக்கம் எல்லாம் பாட்டுக்கு வந்தவங்க என் கிட்ட ஒரு வார்த்தை சொல்லாம வந்துட்டாங்க, இல்லனா சிம்புவுக்கு பதிலே என்னை கதாநாயகனா போடணுமுன்னு படத்தயாரிப்பாளர் சொல்லிவிடுவார் என்கிற பயமாவும் இருக்கலாம்.

வழக்கம் போல பெண்ணுங்க எல்லாம் ரெம்பவே உசார்னு இதுவரைக்கும் யாருக்குமே புரியாதவங்களுக்கு படம் கண்டிப்பா பிடிக்கும்.காதலன், காதலிக்காக உருகுறான், அதுக்கு பலனா அவனுக்கு  இனாம அடிக்கடி ஓசி முத்தம் கிடைக்குது, சம்பந்தமே இல்லாம கல்யாண ஆசையை காட்டி கடைசியிலே தாலி கட்டும் நேரத்திலே கல்யாணம் பிடிக்கலைன்னு நாயகி சொல்லிவிட,பக்கத்திலே மாப்பிள்ளையா நிற்கிற  இன்னொரு பாவப்பட்ட ஜீவன் கதா பாத்திரம் இருக்கு,நொங்கு தின்னவனுக்கும் கிடைக்கலை, ௬ந்தலை எடுக்க போனவனுக்கும் கிடைக்கலை, ரெண்டு பெரும் என்ன செய்யன்னு தெரியாம இருக்கிற காசயெல்லாம் வரியா கட்டுறாங்க  டாஸ்மாக்குல  நல்ல வருமானம் அரசாங்கத்துக்கு. நாயகனும் காத்து இருக்க, இந்த பலி ஆடும் காத்து இருக்க, யாரு தலையிலே தண்ணியை தெளிச்சி நாயகி வெட்டுகிறாள், அதாவது வாழ்க்கை துண்டை வெட்டுகிறாள் என்பதே படத்தின் முடிவு. 

இறுதியிலே எதிர் பாராத திருப்பம், என் அறிவுகண்ணுக்கு ஆரம்பிக்கும் போதே தெரிஞ்சி போச்சி, அதையெல்லாம் நீங்களே பார்த்து தெரிந்து கொள்ளுங்கள்.படத்தை இந்தியிலே எடுத்த தமிழ் வெற்றியை  விட மிகப் பெரிய வெற்றிப் படமாக அமையும் என்பதிலே சந்தேகமே இல்லை. விண்ணைத்தாண்டி எல்லோரும் மனசிலே நிற்கிறார்கள்.

ஒரு சில பின்னூட்டங்கள் தியேட்டர்ல போட்டது,

"உன்னை இப்படியே பிடிச்சிகிட்டு ஆயுசு பூரா நிப்பேன்" ன்னு ஒரு வசனம்.

"எப்பா எங்களால எல்லாம் அம்புட்டு நேரம் காத்து இருக்க முடியாது"

நாயகியோட கல்யாணம் நின்னதும், நாயகனும் நாயகியும் பேசிகிட்டே இருப்பாங்க

"அல்லோ .. சீக்கிரம் பாட்டை போடுங்க"

நாயகி, நீயும், நானும் நண்பர்கள்ன்னு அடிக்கடி சொல்லும்போது

"லவ் யு ன்னு சொல்லு, இப்பவே வணக்கம் போட்டுருவாங்க"

நீங்களும் படத்தை தியேட்டர்ல பாருங்க இப்படி நிறைய பின்னூட்டம் போட வாய்ப்புகள் அதிகம் இருக்கிறது.தலைப்பிலே இருக்கிற "இலக்கியவாதியின் பார்வையில்"   என்பது நான் வழக்கம் போல விடும் எழுத்துப்பிழைன்னு நான் சொல்லி தெரியவேண்டிய அவசியம் இருக்காதுன்னு நினைக்கிறேன். 

வட்டக் காதல்(circle love) - பாலிவுட் பட விமர்சனம்

இந்தி'ய திரை உலகத்திலே ஹாலிவுட் படங்களின் தாக்கம்  அதிகமா இருப்பதால் முந்திய காலங்களில் ஹாலிவுட் படங்களை சுடும் போது பெரும்பாலும் நமக்கு தெரிவதில்லை, இப்போ படத்தின் போஸ்டர் பார்த்து அது எந்த ஹாலிவுட் படம் என்பதை கண்டு பிடித்துவிடலாம், அதனாலே இப்போ எல்லோரும் வட கொரியா, ஜப்பான் போன்ற மொழி படங்களை அதிக அளவிலே சுடுகிறார்கள்.அதையும் சப்ப மூக்கனுக்கு தெரியாம ஹாலிவுட் காரங்க கிட்ட போட்டு காட்டி எப்படி ஆஸ்கார் வாங்கலாமுன்னு யோசித்து கிட்டு இருக்காங்க,இது நடக்கிற கதை, இனி நடக்க போற கதையை பார்ப்போமா?


 
காதல்ல முக்கோணம், சதுரம், செவ்வகம், நாற்கோணம்,காலச்சார முன்னோடிகள் என எடுத்துரைக்க பெண்ணும் பெண்ணும், ஆணும் ஆணும் என்றும் இப்படி பல கோணங்களில் சொல்ல இந்திய திரை உலகிலே பாலிவுட் காரங்களை மிஞ்ச முடியாது, அதற்கு அங்கே இருக்கும் நடிகர்கள், நடிகைகள் எல்லோரும் பஞ்சம் இல்லாம நடிச்சி கொடுப்பாங்க.நம்ம ஊரிலே ஒரு படத்திலே ரெண்டு நடிகர்கள் நடித்ததால், அதற்கு பின் ஆயுசுக்கும் அவங்க பேசுறது கிடையாது, அந்த அளவுக்கு ஒற்றுமையா? இருக்கிறோம்.


 
நான் எழுதிய இந்த கதைக்கு(?) நிறைய நடிகர்கள் தேவைப் படுவதால் கதை(?) கோலிவுட் தாண்டி ரெக்கை முளைத்து பாலிவுட் பறக்கிறது. இந்த கதையும் உலக திரைப் படங்களிலே சொல்லப் படவில்லை, அப்படி சொல்லி இருந்தாலும் அது என் கதையா இருக்க வாய்ப்பே இல்லை என்பது நான் எழுதும் மொக்கை மீது சத்தியம். அங்கே சாலை ஓரங்களிலே உள்ள மலர்களை( நம்ம ஊரு தத்தா செடிதான்) அனுமதி இல்லாமல் படம் பிடித்து காட்டுவதாலே என்னவோ இந்தி'ய படங்களை உலகம் இன்னும் வியந்து பார்க்கிறது.


இதும் ஒரு காதல் கதைதான், அதாவது வட்டக்காதல் என்ற பொன்னான கருத்தை உள்ளடக்கியது, இதற்கு நடிகர்கள் இங்கிட்டு நாலுபேரு, அங்கிட்டு நாலு பேரு போட்டுக்கணும், அங்கிட்டு இருக்கிற நாலு பேரும், இங்கிட்டு இருக்கிற நாலு பேருக்கும் துண்டு போடுறாங்க, கதை போகும் போக்கிலே யார், யாருக்கு துண்டு போட்டு இருக்கிறார்கள் என்பதை படம் பார்க்கும் சினிமா ரசிகர்கள் கண்டு பிடிக்க முடியாத ஒரு நிலைக்கு செல்லும், படம் பார்க்கிறவங்களுக்கு குழப்பம்முனா படம் எம்புட்டு நாள் ஓடுமுன்னு நான் சொல்லி தெரிய வேண்டியதில்லை.


இந்திய படம் என்று டைட்டில் மட்டுமே சொல்லும் படங்களைப் போல இந்த படமும் எல்லா காட்சிகளும் வெளி நாடுகளிலே எடுக்கப் படுகிறது, வெளிநாட்டிலே படம் எடுத்தால் தான் இந்தியா வல்லரசு ஆகும் என்பதை குறிக்கோள் காட்டும் உலக தரம் வாய்ந்த படம்.
 
குறிப்பாக ஒரு காட்சியிலே வட்டக்காதலில் ஒரு நாயகியை அழைத்து கொண்டு வெளிநாட்டிலே இருக்கும் பனை மரத்தை காட்டி அவளோட பிறந்த நாள் பரிசுக்கு தான் கொடுக்கும் அதிர்ச்சி வெகுமதி என்று சொல்லுகிறார். அதை கண்டதும் அந்த நாயகி இந்த உலகத்திலே காணததை கண்டதைப் போல வானத்துக்கும் பூமிக்கும் குதிக்கிறாள், பட்டிகாட்டு காரி மிட்டாய் கடையை பார்க்கிறது போல நாயகனைப் பார்த்து ஐ லைக் யு என்று சொல்லுகிறாள், படத்திலே ஐ லவ் யுக்கும், ஐ லைக் யுக்கும்   பத்தாயிரம் மைல் தூரம் என்பதை புரிந்து கொள்ளும் பொருட்டாக இந்த வசனம் பத்தாயிரம் தடவை வரும்.


இன்னொரு காட்சியிலே இன்னொரு நாயகிக்கு ஒரு வெளிநாட்டு வாய்க்கா தண்ணியை காட்டிவிட அதை பார்த்து ஆனந்த சந்தோசத்திலே தண்ணிர் அவள் கண்களிலே இருந்து தாரை தாரையாய் வந்து அந்த வாய்க்கா அளவுக்கு இன்னொரு கண்ணிர் வாய்க்கா வாக ஓடுகிறது, இப்படி பல காதல் ரசம் நிறைந்த  காட்சிகள் உண்டு.இப்படி போய் கொண்டு இருக்கும் வட்டக்காதலிலே ஓசோன் படலத்திலே ஓட்டை விழுந்து உடைந்தது போல உடைந்து வெளியிலே இருந்து திபு திபு என ஒரு ௬ட்ட நடிகர்களின் அறிமுகத்திலே கதை இடியாப்ப சிக்கலில் சிக்கி கொள்கிறது.
 
(இங்கே இடைவெளி விட்டு ரசிகர்களுக்கு இடியாப்பம் இலவசமாக வழங்கப் படுகிறது.)
 
இரண்டாம் பாதியிலே இடியாப்ப சிக்கலை உடைத்து இட்லி சிக்கல் போல மாற்றி படம் இறுதிக்கு வரும் முன்னே தோசையாகி தொங்க விடப்படும், இந்த இடத்திலே இருந்து அடுத்த பாகத்திற்கு போக வழி வகை செய்ய, கடைசியிலே வட்டத்திலே இருந்த பல வேறு நடிகர்களை கழட்டி விடும் படியாக காட்சிகளை வெளிநாட்டிலே அமைத்து வெட்டி விட்டு கதை இரும்பை கண்ட காந்தம் போல இல்லாமல் கரும்பை கண்ட எறும்பு போல நகர்கிறது.

இறுதி  காதல் காட்சியிலே நாயகிக்கு வெளி நாட்டிலே கள்ளி செடி பரிசாய் கொடுக்க, அதைப் பார்த்து என்ன செடி என்ற கேள்விக்கு அரைமணி நேரம் கள்ளியின் பெருமைகளை அந்த கள்ளியிடம் எடுத்துரைக்க, வசனத்தின் முடிவிலே பேசிய அந்த நடிகரையும், பேசச் சொல்லி கொடுத்த டைரக்டர், கதாசிரியர் அனைவருக்கு கள்ளிப் பால் கொடுக்க வேண்டும் என்ற உணர்வு படம் பார்பவர்களுக்கு வரும் என்பதிலே ஐயமே இல்லை.  
 

கள்ளியின் பெருமைகளை சொன்னாலும், அந்த கள்ளியின் கல் மனம் கரையவில்லை, இப்படிப்பட்ட அறிய செடியை ஏன் இந்தியாவிலே பார்க்க முடிய வில்லை என்ற கொலை வெறி கேள்வியை கேட்க கொதித்து எழும் நாயகன் இந்தியாவிலே வளர்ந்த கள்ளி செடியை பதப்படுத்தி ஏற்றுமதி செய்தால் அவை எல்லாம் எதோ செவ்வாய் கிரகத்திலே இருந்து வந்ததைபோல  உங்கள் முகத்திலே அப்படி ஒரு ஆச்சர்யம்


இப்படி ஆரம்பித்து இன்னொரு அரைமணி நேர உணர்ச்சி பூர்வமான  வசனம் பேசி முடித்து கள்ளி செடியை கிள்ளி எறிந்து விட்டு போகிறார் கடைசி நாயகன், நாயகின் நெற்றிப் போட்டிலே உள்ள புள்ளியை பார்த்து கேமரா நகர்கிறது, புள்ளியிலே படம் முடிகிறது, புள்ளியும் வட்டம் தானே என்பதை மறைமுகமாக சினிமா வாசகர்களுக்கு உணர்த்தும் விதமாக இந்தகாட்சி.

காதலின் மறுபரினாமாகிய இந்த வட்டக்காதலுக்கு ஆஸ்கார் கிடைக்குமா, இல்லை ஆள் இல்லாப் படம் என்று விருது கிடைக்குமா என்பதை பொறுத்து இருந்து பார்ப்போம்.
  

வேட்டைக்காரன் விமர்சனம்

குருவி, வில்லு ஆகிய இமாலய வெற்றி படங்களுக்கு அடுத்து விஜய் நடித்து வெளி வந்து இருக்கும் படம் தான் வேட்டைக்காரன்.புரட்சி தலைவர் எம்.ஜி.ஆர் வேட்டைக்கரனை விட பலமடங்கு வேகம், விறுவிறுப்பு,காதல்,சண்டை, குத்து பாட்டு என படத்திலே இல்லாத அம்சங்களே இல்லை. முன்னுரையை முக்காடு போட்டு மூடி விட்டு விமர்சனத்துக்கு சிகப்பு கம்பளம் விரிச்சி வைச்சி போகலாம்.



வழக்கம் போல விஜய் கல்லூரி மாணவனாகவோ,கார் மெக்கானிக்,தொழில் அதிபர் அப்படி ஏதாவது பாத்திரத்திலே நடித்து இருப்பாருன்னு நினைத்தால் அது நான் பொறுப்பு கிடையாது.படத்திலே அவரு வேலை என்னனு கண்டு பிடிப்பதே கஷ்டம், அதற்குள் படம் முடிந்து விடும், ஆனா இன்னும் விமர்சனம் முடியலை.

விஜய் வேலை தேடி அலுவலகம், அலுவலகமா போவாரு, எல்லா நேர்முகத்தேர்விலே வெற்றியும் பெறுவார் ஆனா எந்த வேலையும் சேர மாட்டார், இப்படித்தான் கதை ஆரம்பிக்குது, படத்தோட கதாநாயகியையும் ஒரு அலுவலகத்திலே சந்திக்கிறார், விஜயை அவங்க தான் வேலைக்கு இன்டெர்விவ் பண்ணுறாங்க, அவரோட பதில் சொல்லுற அழகையும், அவரோட அழகையும் பார்த்து ஒரு 50 சதவீதம் காதல் வந்து விடுகிறது.

மிச்சம் இருக்கிற 50 சதவீதக்கு ஒரு காட்சி இருக்கு, அவரும், கதாநாயகியும் இன்னொரு இன்டெர்விவுல சந்திக்கிறாங்க, கதாநாயகிக்கு வேலை கிடைக்கணுமுன்னு அந்த நேர்முகத் தேர்விலே தோல்வி அடைந்து விடுகிறார், அவரோட நல்ல குணத்தை பார்த்து அடுத்த ஐம்பதுவும் ஒட்டி 100 ஆகி விடுகிறது. ஆக காதலி கிடைச்சாச்சி இனிமேல கதை கிடைக்கணும், எப்படின்னு அடுத்த பத்திய படிங்க



வருமான வரி துறை அலுவலத்திலே ஒருவரும், பத்திர அலுவலகத்திலே வேலைபார்க்கும் ஒரு தம்பதியினருக்கு பலவேறு கோணங்களில் பிரச்சனை வருகிறது, அந்த பிரச்சனைகளுக்கு மூல காரணமாக இருக்கும் இரு முக்கிய புள்ளிகள் கொடுக்கும் தொல்லைகளை சமாளிக்க தம்பதிகள் இருவரும் ஒரு முடிவுக்கு வருகிறார்கள், அதாவது ஏற்கனவே பனிப்போர் நடந்து கொண்டு இருக்கும் இரண்டு பேருக்குள் சண்டை வரவழைத்து நிரந்தர எதிரி ஆக்கி விடுகிறார்கள்.இவ்வளவு கொலை வெறி பிரச்சனைகளுக்கு நடுவிலே கதா நாயகனை எங்கே என்று வலை வீசி தேடுறவங்களுக்கு இப்போதைக்கு பதில் இல்லை, பின்னாடி வருது.


சண்டைக்காரங்க ரெண்டு பேருகிட்டயும் கோழி மூட்டி விட்டுகிட்டு இருந்த தம்பதிகளுக்கு அதிர்ச்சி வைத்தியமா எதிரிகள் ரெண்டு பெரும் இணைந்து குடைச்சல் கொடுக்க ஆரம்பிக்கிறார்கள். எதிரிகள் ரெண்டும் பேரும் சம்பந்தியாக இணைய முடிவு எடுக்கிறாங்க. அவங்க ரெண்டு பேரும் சேர்ந்து தம்பதிகளுக்கு ரெண்டு பேரையும் ஏமாத்தி ஜெயில்ல தள்ளி விடுறாங்க.இன்னும் காதாநாயகன் வரலியேன்னு இருக்கையோட நுனிக்கு வந்தவங்க அடுத்த பத்தியை படிங்க

மேல நடந்த சம்பவங்களும், விஜயோட காதல் காட்சிகளும் மாறி மாறி படத்திலே வரும், ஆனா விமர்சனத்திலே அப்படி சொல்லமுடியுமா, விஜய் சிறையிலே இருக்கும் தம்பதிகளை சிறையிலே சந்தித்து விஜய் சொல்லுவாரு நீங்க உங்க யோசனைப்படி நடந்து இருந்தா நல்லா இருந்து இருக்கும், இந்த யோசனை எல்லாம் கொடுத்தது நான் தான், தப்பு பண்ணிட்டேனு சொல்லுறாரு.

உடனே எல்லோரும் இது எப்படி கதாநாயகனோட யோசனைன்னு பேசிக்கொண்டு இருக்கும் போது இடைவேளை "வெற்றி மாறன் இனி வேட்டைக்காரன்". இது குத்து வசனம் இல்லை.

(டீ, காபி குடிக்க போறவங்க போயிட்டு வாங்க)

தமிழ் கதாநாயகர்களுக்கு இருக்கும் வழக்கமான பொறுப்புதான் விஜய்க்கு இடைவேளைக்கு அப்புறம் கொடுக்கப் பட்டு இருந்தாலும், இரண்டாவது பாதிலே கதை போகும் போக்கிலே எல்லாமே புதுசாய் இருக்கும், சிறையிலே இருக்கும் தம்பதிகளை வெளியே கொண்டு வரவேணும், வில்லன்களை வைத்தே அதையும் செய்ய வேண்டும் என்பது கதையின் கட்டாயம்.அதை வித்தியாச மான முறையிலே கில்லி, போக்கரியை விட வேகமாகவும் விறுவிறுப்பாகவும் கொடுத்து இருப்பதால் இது பழைய இரண்டு படங்களின் சாதனையை முறியடிக்கும்

வில்லன்கள் இருவரும் இணையும் திருமணத்தை தடுத்து நிறுத்த மணப்பெண்ணை கடத்தி விடுகிறார், திருமணமும் நின்று விடுகிறது.கடத்திய பெண்ணை வைத்தே இரண்டு வில்லன்களையும் மீண்டும் வேறு பிரிக்கிறார், அடுத்துதடுத்து நடக்கும் மின்னல் வேக திருப்பங்களால், அது என்னன்னு விலா வரியா சொல்லமுடியா விட்டாலும், கடத்தப் பட்ட கதாநாயகியோட ஒரு பாட்டு முடிஞ்சு போகுது என்பதை சொல்ல முடியும், கடத்தப் பட்ட பெண்ணுக்கு ஏற்கனவே ஒரு காதலன் இருப்பதால்,கதையிலே ஒரு காதநாயகியை கழட்டி விட சந்தர்ப்பம் இருக்கிறது, இப்போது கடத்தப் பட்ட நாயகிக்கு கல்யாணம் முடிக்கும் பொறுப்பும் விஜய் மீது விழுகிறது.

ஆக வில்லன்களின் சதியை முறியடித்து கடத்திய பெண்ணை காதலனுடன் சேர்த்து வைத்து, வில்லன்கள் இருவரையும் தம்பதிகள் இருக்கும் சிறையிலே தள்ளி அவர்களை விடுவிப்பதோடு கதை முடிகிறது.இந்த தம்பதிகள் விஜய்க்கு என்ன வேணுமுன்னு தெரியாதவங்க வெள்ளி திரையிலே காண்க விடை கிடைக்கும். இடைவேளைக்கு அப்புறம் படம் இவ்வளவு சீக்கிரமா முடிந்து விட்டதுன்னு யாரவது நினைத்தால் படத்தோட வேகம் அப்படி.படம் முடிஞ்ச வேகத்திலே விமர்சனமும் முடியுது, முடிக்கும் முன்னாடி ஒரு குத்து வசனம்

வெறுங்கையோடு வந்தாலும் இந்த வேட்டைக்காரன் வெறுமையா போகமாட்டான்.

அமெரிக்காவிலே தமிழுக்கு இருட்டடிப்பு

அமெரிக்காவிலே நமக்கு எல்லாம் ரெம்ப காலத்துக்கு முன்னாடி வந்து துண்டை போட்டு தங்கி இருக்கும் சிங்கங்களும்(சீக்கியர்), குஜ்ஜு மக்களும் வந்து "இந்தி" யா விலே இந்தி மொழி மட்டுதான் இருக்கிற மாதிரி ஒரு மாயை உருவாக்கி வச்சி இருக்காங்க.

எப்படி நம்ம நாயரை சந்திர மண்டலம் போன டீ கடையில் சந்திக்கலாமோ, அதே மாதிரி இவங்க ரெண்டு பேரையும் அமெரிக்காவிலே இருக்கிற குக் கிராமங்களிலும் பார்க்கலாம். வந்த மக்கள் வேலையோட வேலையா ஹிந்திக்கும் நல்லா வேலை செய்து இருக்கிறார்கள்.

நாடோடியா வந்த ரெண்டு கும்பலும் நாட்டையே ஆளுற மாதிரி வளைச்சி சொத்து சேத்து வச்சி இருக்காங்க, அவங்ககிட்ட வேலை பார்க்கும் என்னை மாதிரி ஒரு சில கருப்பு அண்ணாச்சிமார்கள் ஒருசில ஹிந்தி வார்த்தை தெரிந்து வைத்து கொள்வார்கள்.நம்ம ஊருக்காரர்களை பார்த்தல் "நமஸ்தே" ன்னு சொல்லி குஸி படுவாங்க

இங்க உள்ள ஆபிரிக்கன் அமெரிக்கன் மக்கள் எல்லாம் என்னை மாதிரி கருப்பா இருக்கிறதாலே அவங்களை செல்லமா நான் கருப்பு அண்ணாச்சி ன்னு ௬ப்பிடுவேன்

ஒருமுறை ரயிலில் பிரயாணம் செய்யும் போது ஒரு அண்ணாச்சி என்னை பார்த்து "நமஸ்தே" ன்னு சொன்னாரு.நானும் பதிலுக்கு ஒரு "நமஸ்தே" போட்டு வைத்தேன். உடனே ஒரு ஹிந்தி பாட்டு என்கிட்டே போட்டு காட்டினார், அந்த பட்டை எங்கையே கேட்ட மாதிரி இருக்கேன்னு பார்த்தால் "ரோஜா" படத்தோட ஹிந்தி பாட்டு.பாட்டோடு நிக்காம இவரு "இந்தி" யா விலே பெரிய இசை அமைப்பாளர் இவரு பேரு ஏ.ஆர் ரகுமான்கான்.

நான் சொன்னேன் அவரு பேரு ஏ.ஆர் ரகுமான். அந்த கருப்பு அண்ணாச்சி என்கிட்ட ஹிந்தி படவுலகிலே இருக்க எல்லாரோட பெயரும் "கான்" ன்னு முடியும் சாருக்கான்,அமீர்கான் மற்றும் சல்"மான்" கான் உட்பட அடங்கும்.

இப்படி சொல்லுகிறவரிடம் நான் என்னத்தை சொல்ல, நம்ம பங்காளி நாட்டுக்கு சொந்தக்காரர் இம்ரான்கான் இருக்காருன்னு சொல்லமுடியுமா?
இங்கே உள்ள பெண்களுக்கு புடவைன்னா என்னன்னு தெரியாதோ அதே மாதிரி கிரிக்கெட்ன்னா யாருக்கும் தெரியாது.

ஹிந்தி படவுலக மக்கள் ஹாலிவுட்காரன் படத்தை திருப்பி அவனுக்கே போட்டு எனக்கு ஆஸ்கர் கொடுன்னு...எனக்கு ஆஸ்கார் கொடுன்னு.. சண்டை போடுற மாதிரி, இவரு நம்ம பாட்டையே எனக்கு திருப்பி போட்டு ஹிந்தி பாட்டுன்னு சொன்னாரு.

அமெரிக்கா வந்த புதுசிலே இங்க உள்ள மக்கள் எல்லாம் காதுல சங்கிலி மாதிரி ஒன்னை மாட்டி பாட்டு கேட்டுகிட்டு இருக்காங்கன்னு நானும் ஒன்னை வாங்கி வச்சி இருந்தேன், நல்ல வேளை "ரோஜா" வோட தமிழ் பாட்டு இருந்தது அதிலே,அதை அவருக்கு போட்டு காட்டினேன்.

பாட்டை கேட்டுட்டு அண்ணாச்சி "நல்லா பாட்டை காப்பி அடிச்சி இருக்கீங்க" ன்னு சொன்னாரு.அண்ணாச்சி ரெம்ப பொறுமையை சோதிக்கிறார்னு தமிழ் கலந்த இந்திய வரலாறை எனக்கு தெரிஞ்ச வரையிலே அவுத்து விட்டேன்.

ஐயா இந்தியாவிலே 200 க்கு அதிகமான மொழி பேசுறாங்க, அதுல ஒன்னுதான் இந்தியும், தமிழும்.அதோட நிக்காம தமிழ் மொழி, லத்தின், கிரேக்க மற்றும் ஹீப்ரு மொழி யைப்போல மிக பழைமையான மொழி, இந்த உலகத்திலே வாழும் தொன்மை மொழி தமிழ்ன்னு சொன்னேன். அதோட இன்னு ஒன்னையும் சேத்துகிட்டேன், திருக்குறள் பைபிள்க்கு அடுத்த படியாக உலக மொழிகள் அனைத்திலும் மொழி மாற்றம் செய்யப்படும் ஒரு நூல்னு சொன்னேன்.

இவ்வளவு சொல்லியும் மனுஷன் என்னை கொஞ்சம் ௬ட நம்பலை, உடனே அவரிடம் தற்காப்புக்கு வச்சி இருந்த ஒரு பத்து ரூபாயை கட்டி இதிலே
உள்ள எல்லா மொழியும் அரசாங்க மொழிகள்னு சொன்னேன்.
அவரு நம்ம ஊரு மொழிகளோட எழுத்தை எல்லாம் பாத்துட்டு

"இதுல எந்த சிலேபி உங்க சிலேபின்னு கேட்டாரு?". அதிலே தமிழைக் காட்டி
"இது தான் எங்க சிலேபின்னு" சொன்னேன்.

அவரு கேட்கவே ரெம்ப சுவாரசியமா இருக்கு, நான் இது நாள் வரையிலே "இந்தி" யா வில் இந்தி மட்டும் தான் பேசுவாங்கன்னு நினைச்சு கிட்டு இருதேன். சமிபத்திலே ஆஸ்கர் விருது வாங்கிய ஏ.ஆர் ரகுமான் நல்ல வேளை "எல்லா புகழும் இறைவனுக்கேன்னு தமிழ்ல சொன்னாரு.அந்த புகழ் இறைவனுக்கு மட்டுமல்ல தமிழுக்கும் தான்.

தமிழ் மக்கள் இருக்கும் போதே இப்படி ஒரு விஷ பிரச்சாரம் ஹிந்திக்கு பண்ணுகிற மக்கள் மத்தியிலே நாமே எல்லாம் வெளியே வரலைன்னா தமிழ் மொழியை ஏட்டுலே இருந்தே அழிச்சிடுவாங்க போல!!!!!!!

நான் கடவுள் விமர்சனம்

பாலாவின் தொடர் வெற்றி என்றே சொல்லலாம் "நான் கடவுள்", காட்சிகள் அனைத்து மிக தத்துருவமாகவும், நேர்த்தியாகவும் அழகாகவும் எடுக்க பட்டு உள்ளது, தமிழ் சினிமாவின் எதாத்ததிற்க்கு கிடைத்த மற்றுமொரு வெற்றி நான் கடவுள், படத்தின் கதை இதோ

ஒரு சாதி கலவரத்திலே தாழ்த்தப்பட்ட சாதி பெண் ஒருவள் கற்பழிக்கப் படுகிறாள், அந்த சம்பவத்தால் அவள் மனநிலை பாதிக்கப் படுகிறது,அவள் கர்ப்பமும் ஆகிறாள், அவளுக்கு பிறக்கும் குழந்தையே கதையின் நாயகன் ஆர்யா , அந்த குழந்தை பிறந்தவுடன் அவன் தாய் இறக்கிறாள், அந்த குழந்தை யாருக்கும் தெரியாமல் குப்பை தொட்டியிலே போட்டு விட்டு சென்று விடுகிறார்கள். அந்த குழந்தையை கோவிலில் பிச்சை எடுக்கும் ஒருவர் காப்பாற்றுகிறார்.

அதே கோவிலில் பூ விக்கும் பூக்காரிக்கும் ஒரு மகள் பிறக்கிறாள், அவள் பெயர் பூவு(பூஜா), குப்பை தொட்டி ஆர்யாவின் பெயர், இருவரும் ஒன்றாக வளர்வதோடு எழுத்து முடிகிறது, படம் இன்னும் ஆரமிக்கவில்லை,அதனாலே தயவு செய்து பொறுமை காக்கவும்

சிறு வயது முதலே ஒன்றாக வளர்ந்து வந்ததால் அவர்கள் இருவரும் நட்பில் ஆரம்பித்து காதலில் முடிந்திருக்கும் என்று யாரவது நினைத்தால் அது உண்மைதான்.



வாலிப வயது ஆர்யா கோவிலில் யானையை குளிப்பாட்டவும், கோவிலை சுத்தப்படுத்தவும் வேலைகளை செய்து வருகிறான். கோவில் தர்மகர்த்தாவின் மகனுக்கு பூ வின் மீது ஒரு ஆசை, அது காதலாக இருக்க முடியாது,ஏன் என்றால் இவர் கதை நகற்றுவதற்க்கு ஊன்று கோலாய் உதவும் முதல் வில்லன்

அவன் பூ வை அடைய போடும் திட்டங்களில் குப்பை தொட்டி ஆர்யா மண் அள்ளி போட்டு விடுகிறாள், அதையும் மீறி அவன் ஒரு முறை பூ விற்கு காப்பியில் மயக்க மருந்து கொடுத்து விடுகிறான், யோசனை கொஞ்சம் பழசு தான், கோவில் தர்ம கர்த்தா அதனை பார்த்து விட, இந்த முறையும் அவன் திட்டம் பலிக்கவில்லை.

குப்பை தொட்டி ஆர்யாவிர்க்கும் இந்த விஷயம் தெரிந்து விட அவன் தர்ம கர்த்தா மகனை தேடி அலைகிறான், தர்ம கர்த்தா ஆர்யாவிடமும், பூ விடமும் தன் மகனை மன்னிப்பு கேட்க்க வைக்கிறார்.

தர்ம கர்த்தா தன் மகனுக்கு அறிவுரை ௬றுகிறார், அவளை நீ வசியம் பண்ண வேண்டும், அப்போது தான் அவள் உனக்கு அடிமையாய் இருப்பாள். பூ வின் சாதகத்தை எடுத்து கொண்டு ஒரு சாமியாரிடன் போகிறார்கள், அவர் இவள் சாதகத்தை பார்த்து, இவளை ஒன்றும் செய்ய முடியாது என்றும், இவளை தொட்டவன் அடுத்த ரெண்டு நாளில் சாவான் என்றும் ௬றுகிறார். இதை கேட்டதும் பயந்து அவள் சாதகத்தையும் கீழே போட்டு விட்டு இருவரும் ஓடி விடுகிறார்கள்

அந்த சம்பவத்திருக்கு பிறகு,பூ தன்னை யாரோ பின் தொடர்வதாகவும், தன் நடவடிக்கைகளை கண்காணிக்கபடுவதாகவும் ஆர்யாவிடம் சொல்லுகிறாள்,முதலில் அதை நம்ப மறுக்கும் ஆர்யா,அடுத்தடுத்து நடைபெறும் சம்பவங்களால் அவனும் உண்மை என நம்புகிறான்.
அதை தடுத்து நிறுத்த வழி தெரியாமல் பூ விற்கும், ஆர்யாவிருக்கும் திருமண ஏற்ப்பாடு செய்கிறான். திருமணத்திற்கு முதல் நாள் ஆர்யா காவல் துறையால் கைது செய்யப்படுகிறான் ஒரு திருட்டு வழக்கில், இதனால் திருமணமும் நின்று விடுகிறது.


இது இடைவேளை நேரம்,வழக்கம் போல டீ,காப்பி குடிக்க போறவங்க போகலாம்.


இரண்டாவது பாதியில் ரெண்டு நாள் கழித்து வெளியே வரும் ஆர்யாவிற்கு பூ வீட்டில் யாரும் இல்லாததை கண்டு அதிர்ச்சி அடைகிறான்.அன்று மாலையில் பூ வின் தந்தையும் தாயும் கழுத்து அறுபட்டு ஒரு ஓடையில் இறந்து கிடக்கிறார்கள்.

இந்த கொலைப்பழி ஆர்யாவின் மீது விழும் யாரும் நினைத்து இருந்தால், அதற்க்கு நான் பொறுப்பு அல்ல, அது கோவில் தர்மகர்த்தாவின் மீதும், அவர் மகன் மீதும் விழுகிறது.அவர்கள் சிறை செல்லும் முன் ஆர்யாவிடம் சில உண்மைகளை சொல்லி விட்டு செல்கிறார்கள், ஆர்யா பூ வின் சாதகம் உள்ள அந்த சாமியாரிடம் சென்று அவரை மிரட்டி உண்மைகளை அறிந்து கொள்கிறான் .இதன் பின் படம் காசிக்கு செல்கிறது .

காசியில் பூ வை தேடி தேடி தெரு தெருவை அலைகிறார் ஆர்யா, மூலை, முடுக்கு ஒன்று விடாமல் தேடுகிறான், அவனால் அவளை கண்டு பிடிக்க முடியவில்லை, அங்கு உள்ள ஒரு சாமியாரை ஒரு ஆபத்திலே இருந்து காப்பாற்றுகிறான். பூ வை தேடி அலையும் போது,அவரிடன் தான் வந்த நோக்கத்தை ௬றுகிறான், அவரும் அவனுக்கு தெரிந்தவர்களிடமும் சொல்லி வைக்கிறார்.

இந்நிலையில் பூ வை கடத்திய கும்பல் ஒரு பெரிய யாகத்திற்கு ஏற்ப்பாடு பண்ணுகிறார்கள்,அவளுடன் சேர்த்து பத்து பெண்களை கடத்தி இருக்கிறார்கள் என்ற உண்மையும் அவளுக்கு தெரிய வருகிறது.

தற்செயலாக பூ வின் சாதக்கத்தை பார்வையிடும் ஆர்யாவினால் காப்பாற்ற பட்ட சாமியார், ஒரு உண்மையை சொல்லுகிறார், இவளை போன்ற சாதகம் உடைய பத்து கன்னி பெண்களை நரபலி செலுத்தினால் கடவுள் திரும்பவும் பூமிக்கு வருவார் என்பது ஐதிகம் என சொல்லுகிறார்.

பெரும் கஷ்டங்களுக்கு இடையிலே அந்த யாகம் நடக்கும் தேதியை கண்டு பிடித்து, அந்த இடத்திற்கும் செல்கிறார் ஆர்யா, அவன் அங்கு செல்லவும் பூ வின் தலை துண்டிக்க படவதையும் அவன் கண் முன்னே நடக்கிறது. இதனால் கொதித்து எழும் ஆர்யா, அங்கு உள்ள அனைவரையும் கொன்று விட்டு தானும், தன் தலையை வெட்டி இறப்பதோடு கதை முடிகிறது, விமர்சனமும் முடிகிறது

எந்திரன்-தி ரோபோ விமர்சனம்

தலைவர் மீண்டும் ஜெயித்து விட்டார், சிவாஜி குதிரைன்னா, எந்திரன் பறக்கும் குதிரை, குசேலனுக்காக ரஜினிக்கு எதிரா கொடி பிடிச்ச எல்லோரும், அதே கொடியிலே பணத்தை அள்ளுவாங்க. அடுத்து நேரா விமர்சனம் தான்

கதை படி சூப்பர் ஸ்டார் ரஜினி அமெரிக்கா நாசாவிலே விண்வெளி ஆராட்சியாளர் பணியை செய்கிறார்,செவ்வாய் கிரகத்திற்கு சென்ற பீனிக்ஸ் விண்கலத்தை வடிவமைத்த குழுவில் பணி ஆற்றுகிறார்.அவரு தான் அதற்கு தலை நிர்மானி(chief architect).இரவு பகலா கஷ்டப் பட்டு திட்டம் வெற்றி பெற பாடு படுகிறார்.

விண்கலம் மேலே செல்லும் பொது அதிலே தொழில் நுட்ப கோளாறு ஏற்படுகிறது, அதை சரி செய்யும் முயற்சியில் அவருக்கும் ரஷ்யா ஆரட்சியாளருக்கும் தீர்வு கொடுப்பதில் தகராறு, அவன் இந்தியாவையும்,இந்தியர்களையும் தரக்குறைவாக பேசி விட, அதற்கு தீர்வு கொடுத்து விட்டு ரஷ்யாகாரனுக்கு தக்க பதில் அடி கொடுத்து விட்டு  வீட்டுக்கு செல்கிறார்.இந்தியாவை பற்றி பேசிய பேச்சிலே பாதித்த சூப்பர் ஸ்டார், விடுமுறை எடுத்து விட்டு சென்னைக்கு வருகிறார், வரும் பொது தன் சொந்த படைப்பான ரோபோவையும் எடுத்து கொண்டு வருகிறார்.வருகிற தலைவர் சென்னை திருவேல்லிகேணியிலே தங்குகிறார்.


ஐயர் ஆத்து மாமியின் மகளாக ஐஸ்வர்யாராய், அவளின் அக்காள் கணவரின் கொடுமை தாங்க முடியாமல் குடும்பமே தற்கொலை முடிவு எடுக்கிறார்கள்,ரஜினி தங்கும் இடம் அவர்கள் வீட்டின் அருகிலே இருக்கிறது. அவர்கள் உணவில்  விஷம்  கலந்து இருப்பதை ரோபோவின் மூலம் அறிந்து அவர்களை காப்பாற்றுகிறார்.

ஐஸ்வர்யா ராயின் ஊனமுற்ற சகோதரனுக்காக பெட்ரோல் இல்லாத தானியங்கி வண்டி ஒன்றை தயாரித்து கொண்டுகிறார், அது மிகவும் பிரபலமடைய தலைவரிடம் நிறைய பேர் வருகிறார்கள்,அவர்களுக்கு இலவசமாக அந்த தொழில் நுட்பத்தை கொடுக்கிறார்.தலைவரின் புகழ்அமெரிக்க அதிபரை விட வேகமாக வளர்கிறது.

ஐஸ்வர்யாராய் தலைவர் மீது காதல் வயப்படுகிறாள்,அப்படி வரலைன்னா தமிழ் சினிமாவிற்கே களங்கம்.இந்த நிலையில் தலைவரின் வளர்ச்சி பிடிக்காத உள்ளூர் மோட்டார் வாகன தாயாரிப்பாளர்கள் அவரை தீர்த்து கட்ட ரவுடிகளை ஏற்பாடு செய்கிறார்கள்.வில்லன் இல்லன்னா படம் எப்படி நகர முடியும்.தலைவர் படத்திலே சண்டை இல்லன்னா சக்கரை பொங்கலுக்கு உப்பு வச்சி சாப்பிடுற மாதிரி இருக்கும், ரவுடிகளுக்கு ஒரு காட்டு காட்டுகிறார் ரோபோவின் உதவியோடு, கொஞ்ச நாள்ல சண்டை காட்சி திருட்டு தனமா வெளியே வரும் அதனாலே அதை விளக்க வேண்டிய அவசியம் இல்லை

இதற்கிடையில் நாசாவின் அணு ரகசியங்கள் திருட்டு போகின்றது, அந்த பழி தலைவர் மேலே விழுகிறது,தலைவர் விடுமுறையில் சென்னையில் இருப்பதை அறிந்து கொண்டு அவரை கைது செய்ய அமெரிக்கா துப்பறியும் அதிகாரிகள் இந்தியா வருகிறார்கள்.

மத்திய அரசாங்கத்திலே வேலை பார்க்கும் அதிகாரி,உள்ளூர் வாகன தயாரிப்பாளரிடம் மத்திய அரசுக்கு வந்த ரகசிய உத்தரவை தெரிவிக்கிறார். சந்தப்பத்தை பயன் படுத்தி உள்ளூர் வில்லன், உள்ளூர் பத்திரிக்கைகள்,தொலை காட்சி நிறுவனங்கள் மூலமாக அந்த செய்தியை பிரபலப்படுத்துகிறார், செய்திகளில் அவர் சர்வதேச குற்றவாளியாக சித்தர்க்கப்படுகிறது.உண்மை என நம்பிய ஐஸ்வர்யாராய் வழக்கம் போல எல்லா கதாநாயகிகளும் செய்வது போலே அவரை விட்டு பிரிந்து விடுகிறார்.
மத்திய அரசாங்கம், சர்வதேச போலீஸ், அமெரிக்கா எப்.பி.ஐ தேடுவதோடு இடைவேளை.

(டீ,காபி குடிக்க போறவங்க போயிட்டு வாங்க)

இரண்டாவது பாதியில் தனக்கு எதிரான சதியை முறி அடித்து, ஐஸ்வர்யாராயும் கை பிடிப்பதே( படத்துக்காக) மீதி கதை.இரண்டாவது பாதியின் ஆரம்பத்திலே முதலில் ரஜினியை இழிவு படுத்திய நாசாவிலே ரஜினியை இழிவு படுத்திப் பேசிய ரஷ்ய  நண்பரிடன் இருந்து மின்-அஞ்சல் வருகிறது, அவன் விடுமுறைக்காக மேக்ஸ்சிகோ சொன்று இருப்பதாகவும், அவனை உடனடியாக வந்து பார்க்கும் படி மெக்சிகோ விலாசத்தை அனுப்புகிறார், அவனை தேடி மெக்சிகோ செல்கிறார் ரஜினி, ரோபோவின் உதவியுடன் சென்னை விமான நிலையத்தில் நுழைந்து மெக்சிகோ சொல்கிறார்
அவரை தேடி அங்கு செல்லும் ரஜினி, அவரை யாரோ கொலை செய்து விடுகிறார்கள், அவர் இறக்கும் தருவாயில் அவரிடம் இருந்து சில உண்மைகளை தெரிந்து கொள்கிறார், இந்த கொலை பழியும் தலைவர் மீது விழுகிறது.


இது வரையில் வில்லன்களுக்கு ஓடி ஒழிந்த ரஜினி உண்மையை தெரிந்து கொண்டதால், அவனை தேடி செல்ல முடிவு எடுக்கிறார், முதலில் வில்லன் இருப்பிடம் தேடும் தலைவர் அவன் இந்தியாவிலே இருப்பது தெரிய வருகிறது, மீண்டும் ரோபோவின் உதவியால் சென்னைக்கு வருகிறார். சென்னையில் பழைய எதிரியும், புதிய எதிரியும் ஓன்று சேருகிறார்கள்(பழசு உள்ளுறு, புதுசு வெளியூரு).இருவரின் சதி திட்டங்களை முறியடித்து வெற்றி பெறுவதே இறுதி கட்டம்

பாடல்கள் இன்னும் கொஞ்ச நாள்ல இணைய தளத்திலே வலம் வரும், அதனாலே அதை பத்தி பேச வேண்டிய அவசியம் இல்லை.இன்னொரு முக்கியமான விஷயம் படத்திலே ரோபோ பேசுகிற எல்லாமே குத்து வசனம் தான், ஒன்னு இப்ப சொல்லுறேன், மீதி படம் பார்த்து தெரிந்து கொள்ளவும்.

தூங்கும் போது அடிச்சா கேடி, தூங்கிட்டே அடிச்சா கில்லாடி


பிரமாண்டம், பிரமிப்பு, திகைப்பு, விறுவிறுப்பு, ரஜினி கலந்து தரப்பட்ட உலகத்தரம் வாய்ந்த தமிழ் படம் எந்திரன். 

வில்லு விமர்சனம்

இளைய தளபதி விஜய் மீண்டும் ஜெயித்து விட்டார்.தனது வழகமான படங்களை விட வித்தியாசமாகவும் விறுவிறுப்பாகவும் அமைந்து உள்ளது வில்லு. காதல், கோபம், பாசம் மற்றும் சண்டை காட்சிகளில் விறுவிறுப்பு அருமை. "இளையபிள்ளை எடுப்பார் கைபிள்ளை இல்லை எடுப்பவருக்கு உதவும் பிள்ளை" என்பதை நிருபிக்கும் படம். சரி சரி முன்னுரைகளை விட்டு கதைக்கு செல்வோம்

கதை படி தஞ்சை அருகில் ஒரு விவசாய குடும்பத்தில் முன்றாவதாக பிறந்த தமிழ் மாறான் தான் விஜய்.சிறு வயது முதல் படிப்பு வராததால் தான் அண்ணன் மற்றும் அக்காள் படிக்க விவசாயம் செய்து உதவுகிறார்.

தனது மாமன் மகளாக வரும் புதுமுகம்(யாருன்னு தெரியலை) நாட்டு வைத்தியம் செய்யும் கதா பாத்திரம் கச்சுதமாக செய்து இருக்கிறார்.

உள்ளூர் விவசாயிகளின் பிரச்சனைக்காக விஜய்க்கும் உள்ளூர் சட்ட மன்ற உறுப்பினருக்கும் தகராறு வருகிறது. அவருக்கு விஜய்க்கும் மோதல், ஆனால் அவர் மகளுக்கும் விஜய் அண்ணனுக்கும் காதல்.

பட்ட படிப்பு படித்த அண்ணனுக்கு மாவட்ட ஆட்சியாளர் அலுவலகத்தில் வேலை. விஜய் அக்காள் கல்லூரியில் முதுகலை பட்டம் படிக்கிறாள்.

உள்ளூர் சட்டமன்ற உறுப்பினரின் சுயருபம் தெரிந்த விஜய்,தனது அண்ணன் திருமணத்திற்கு எதிர்ப்பு தெரிவிக்கிறார், அவரையும் மீறி திருமணம் நடக்கிறது.திருமணம் முடிந்த கையோடு மாமனார் வீடு செல்லும் விஜய் அண்ணன் அங்கேயே தங்குகிறார்.

மகன் தான் வீட்டுக்கு வரவில்லை தாங்களாவது பெரியமகனை பார்க்க போகலாம் என அவரை பார்க்க செல்லும் விஜய் தாய் தகப்பனார் அவமான படுத்த படுகிறார்கள். அதை தட்டி கேட்கும் விஜய்க்கும் அவரது அண்ணனுக்கு இடையே உறவு முறிகிறது.

இந்நிலையில் கல்லூரியில் முதுகலை பட்டம் படிக்கும் நிச்சயிக்க பட்ட அக்காள் திருமணம் நின்று விடுகிறது.

பல வருடங்களுக்கு பிறகு மழை பெய்து நெல் அறுவடை செய்யும் நேரத்தில் கன மழை பெய்து வெள்ளம் வந்து எல்லா வற்றையும் அழித்து போடுகிறது. வெள்ள நிவாரண நிதி அரசாங்கத்தில் இருந்து கொடுக்க படுகிறது.

அந்த நிதியை விஜய் திருடி விட்டதாகவும் மேலும் தன் அதை பார்த்த தன் மாமன் மகளை கொலை செய்ததாகவும் விஜய் கைது செய்து 10 ஆண்டுகள் காவல் தண்டனை விதிப்பதோடு முதல் பாதி முடிகிறது.

( இங்க இடைவேளை படத்துக்கு, பதிவுக்கு கிடையாது,படம் போதும்னு நினைக்கிறவங்க வீட்டுக்கு போகலாம்)

இரண்டாவது பாதியில் விஜய் சிறையில் ஒரு கிறிஸ்தவ பாதிரியார் மூலம் விட்டு போன தான் பள்ளி படிப்பை தொடர்கிறார். அவரின் நன்னடத்தையை கருத்தில் கொண்டு அவர் 5 வருட சிறை தண்டனை முடிந்து வெளியே வருகிறான்.

இந்நிலையில் தன் வெளி நாட்டு பட்ட படிப்பை முடித்து விட்டு ஊருக்கு வரும் உள்ளூர் சட்ட மன்ற உறுபினரின் இளைய
மகள்(நயன் தாரா) ஊருக்கு வருகிறாள். அவளை பகடை காயாய் பயன்படுத்தி நிவாரண பணம் மற்றும் தன் மாமன் மகள் கொலை ஆகியவைற்றை கண்டு பிடிப்பது மற்றும் நின்று போன அக்காள் திருமணத்தை நடத்துவதுதான் மிதி கதை.

நயன் தாராவை தன் வலைக்குள் விழ வைக்க மேலும் தன்னை சிக்க வைத்த தந்தர காரர்களை விஜய் பயன் படுத்தும் தந்திரம் தமிழ் சினிமாவுக்கே புதுசு (தயவு செய்து நம்புங்க..).

உண்மைகள் தெரிய வரும் விஜய்க்கு அதிர்ச்சி அடைகிறான் ஏனெனில் அவரது அண்ணனும் அதிலே சம்பந்த பட்டிருப்பது தெரிய வருகிறது, அவருடன் மாவட்ட ஆட்சியாளரும்,உள்ளூர் சட்ட மன்ற உறுப்பினரும் கூட்டு சதி செய்து தன்னை மாட்டி விட்டதை கண்டு பிடிக்கிறார்.

அவர்களால் ஏற்படும் தடைகளை உடைத்து எறிந்து நீதிக்கு முன் அவர்களை நிறுத்தி தர்மத்தை நிலை நாட்டுகிறார்

விஜய் ரெம்ப நாளைக்கு பிறகு தன் நடிப்பை(?) வெளிப்படுத்தி இருக்கிறார். படிப்பின் பெருமையை வழியுறுத்தி அவர் பேசும் வசனங்களுக்கு,பாசத்திற்காக அண்ணனிடம் உருகும் போதும் விசில் பறக்கிறது, இப்படி காதல், மோதல், ஆவலுடன் எதிர் பார்த்தல்(suspense) மற்றும் பாசம் எல்லாம் சரி விகிதத்தில் கலந்து கொடுக்கப்பட்ட ஒரு நல்ல கலவை (நான் சொன்னதான் உண்டு).

கில்லியை 10 மடங்கு வேகம் விறுவிறுப்பு.

நடிகைகள் பாட்டுக்கு மட்டுமல்லாமல் நடிப்புக்கும் சிறிது வாய்ப்பு கொடுக்க பட்டு உள்ளது. வடிவேலு காமெடி பிரமாதம் (இதை விடவா !!)

இவ்வளவு நேரமா யாராவது இந்த கதையை யாரவது வாசித்தால் அவர்களுக்கு ஓன்று மட்டும் சொல்லிக்கொள்ள ஆசை இது நிச்சயமாக திரைப் படமாக வந்தாலும் வரலாம்(தமிழ் ரசிகர்களின் தலை எழுத்து அப்படி இருந்தால் நாம் என்ன செய்ய முடியும்)

முடிக்க முன்னாடி ஒரு குத்து வசனம்

படிக்காதவன் காட்டு மிராண்டியும் இல்லை.. படிச்சவான் எல்லாம் அறிவாளியும் இல்லை ( இதை படித்தவர்களை சொல்லலை)

கதை திருடர்கள் கவனத்திற்கு :

இந்த கதையின் காப்புரிமை(கர்மம் டா சாமி..) யாருக்கும் வழங்கப் படவில்லை என்பதை தெரிவித்து கொள்கிறேன் மீறி திருடுபவர்கள் மீது தேசிய பாது காப்பு சட்டம் பாயும்

ராம்கோபால்வர்மாவின் அடுத்த கதை

பொறுப்பு அறிவித்தல் : மும்பை தீவிரவாத தாக்குதலில் இறந்த மக்களின் ஆன்மா சாந்தி அடைய பிராத்திக்கிறேன்

படத்தோட எழுத்து போடும் போது கூகிள் எர்த், ஏ.கே 47 துப்பாக்களை, சாட்டிலைட் போன் பயன்படுத்தும் முறைகளை காட்டிவிட்டு விட்டு, தீவிர வாதிகள் படகை கடத்தும் முறை எல்லாத்தையும் விளக்கமாக சொல்லப்படுகிறது.

புனேயிலே சோனு மும்பைக்கு ரயில் ஏற தயாரா இருக்காங்க, அவங்க யாரையோ தீவிரமா தேடிக்கிட்டு அவங்க கைபேசியிலே இருந்து எதோ ஒரு எண்ணை தொடர்பு கொள்ள முயற்சி செய்கிறாள்.ரயில் கிளம்பினதும் வெறுப்பாக அவள் இடத்திற்கு வரும் போது, அவள் யாரை தேடிக்கொண்டு வந்தாளோ அவன் அவள் இடத்தில் இருப்பதை பார்த்து, அவனிடம் சண்டை போடுகிறாள், அவன் வேறு யாரமல்ல அவளின் காதலன் சுனில்.அவனிடம் இருந்து பிரியா விடை பெற்று மும்பை கிளம்புகிறாள் சோனு.

கள்ள தோணியிலே வந்த தீவிரவாதிகள் மும்பையில் வந்து இறங்குகிறார்கள், அவர்கள் முன்று குழுக்களாக பிரிந்து மும்பை ரயில்வே ஸ்டேஷனுக்கு வருகிறார்கள்.அங்கே இறந்தவர்களை எல்லாம் சகட்டு மேனிக்கு சுட்டு(பழமைபேசி விளக்கம் தருவாரு) தள்ளுகிறார்கள், அந்த கலவரத்தில் ரயில் நிலையம் வந்தடையும் சோனுவையும் தீவிரவாதிகள் பிணைய கைதியாக பிடித்துச் செல்கிறார்கள்.இதற்குள் விபரம் தெரிய வரும் மும்பை தீவிரவாத தடுப்பு படை ரயில் நிலையத்திற்கு வருகின்றனர்,அவர்களில் பலரை சுட்டு தள்ளி விட்டு தீவிரவாதிகள் குழுக்களாக பிரிந்தது மும்பை நரிமன் ஹவுஸ், டிரைடென்ட் ஹோட்டல், தாஜ் ஹோட்டல் பிரிந்து சொல்கிறார்கள், சோனுவையும் இழுத்து செல்கிறார்கள்.

ஊடகங்கள் வாயிலாக தன் காதலி கடத்தப்பட்டதை தெரிந்து கொண்டு அவளை தேடி மும்பைக்கு வருகிறான் சுனில். உள்துறைக்கு தகவல் அனுப்பப்பட்டு என்.எஸ்.சி யும் ராணுவமும் வரவழிக்க படுகிறது, தீவிரவாதிகள் மூன்று இடங்களுக்கு பிணைக் கைதிகளோடு பிரிந்து சென்று விட்டதாக தகவலும் கிடைக்கிறது.

சுனில் தன் காதலியை தேடி முதலில் டிரைடென்ட் ஹோட்டலுக்கு செல்கிறான்,யாருக்கும் தெரியாமல் ஹோட்டலுக்குள் நுழையும் சுனில் தீவிரவாதிகள் நடத்தும் அட்டூளியத்தை நேரில் பார்க்கிறான், ஹோட்டல் முழுவதும் தேடி அவன் காதலி கிடைக்க வில்லை, இதற்குள் அங்கு இருந்த தீவிரவாதிகள் ராணுவத்தினால் கொல்லப்படுகிறார்கள், அடுத்ததாக சுனில் நரிமன் ஹவுஸ்க்கு செல்கிறான். அங்கும் அவனால் சோனுவை கண்டு பிடிக்க முடிய வில்லை,ஆனால் அவனுடைய உதவியால் ஒரு தீவிரவாதியை இராணுவம் உயிருடன் பிடிக்கிறது.

மூன்றாவதாக தாஜ் ஹோட்டலுக்கு செல்கிறான் சுனில், அங்கு தன் காதலியின் தன் காதலியை கண்டு பிடிக்கிறான், அவளை காப்பாற்றி தன்னுடன் வருமாறு சொல்லுகிறான். தீவிரவாதிகள் நடத்திய அட்டூளியத்தை நேரில் பார்த்த சோனு,தன்னை போல அப்பாவி மக்கள் இன்னும் நிறைய பேர் இருக்கிறார்கள், அவர்களை விட்டு விட்டு தான் மட்டும் வர முடியாது என்றும் அவர்களோடு தான் நானும் வெளியே போவேன் இல்லையேல் சாவேன் வீர வசனம் பேசுகிறாள், இதை இடைவேளை வசனமா வைக்க முடியுமான்னு தெரியலை.

ஏற்கனவே கொலை வெறி கோபத்திலே(இந்த பதிவை படிச்சவங்க மாதிரி) இருக்கிற சுனில், இதை எல்லாம் கேட்டு கொதித்து எழுந்து அவனே ஒரு தீவிரவாதியாக மாறி,உண்மை தீவிரவாதிகளை கொன்று, இருந்த பிணைக் கைதிகளை விடுவித்து தன் காதலியை யும் விடுவித்து ஹோட்டல் மேலே இருந்து வெற்றியின் அடையாளத்தை காட்டும் போது, அவனும், அவன் காதலியும் பாதுகாப்பு படைகளினால் சுட்டு கொல்லப் படுகிறார்கள்.

தீவிரவாதிகளுக்கு பலியாகும் மக்களும் போர் வீரர்களே என்பதை உணர்த்தும் கதை,ராணுவத்தை குறை ௬றும் படமுன்னு யாரும் நினைக்க ௬டாது,மேலும் செய்தி தாள் நிறுவங்களின் ௬த்துக்களும், அரசியல் வாதிகளின் கயவாளிதனங்களையும் படமா வெளியே வந்தா பார்க்கலாம். படத்திலே பாட்டே கிடையாது என்பதை சோகத்துடன் தெரிவித்து கொள்கிறேன்.

பின் அறிவிப்பு : படம்(ராமநாராயணன் பாம்பு இல்ல) எடுக்கணுமுன்னு யாரும் குடுகுடுப்பை மாதிரி போட்டி நிறைய டாலர் வச்சுக்கிட்டு என்ன பண்ணன்னு தெரியாம இருந்த, அவிங்க கோவணம் இந்த படத்திருக்கு தாயாரிப்பாளர் ஆனா பிறகு கிழியும்,இவ்வளவு தூரம் வந்த நீங்க கொஞ்சம் கதை பத்தி கதைச்சுட்டு போங்கோ