குடுகுடுப்பையின் சிந்தனைக்கவுஜ - சிறப்பு விளக்கம்
இந்த தலைப்பை பார்த்த உடனேயே கொலைவெறி கோபம் வந்து இருக்கும், இருந்தாலும் உண்மை என்னனு சொல்லைனா வரலாறு மன்னிக்குமா இந்த மொக்கை எழுத்தாளனை. அருவா, கம்பு, ஆட்டோ, சுமோ எடுத்தவங்க எல்லாம் கொஞ்சம் அமைதி காக்கவும்.
"அதுல என்ன சொல்லி இருக்கு"ன்னு கவுஜைய ஆரம்பித்து இருக்காரு குடுகுடுப்பை, அது எதுலன்னு எழுதின அவருக்கு தெரியலைனாலும், அங்கே "அ" முதல் எழுத்து வந்து இருக்கு, அப்படின்னா அங்கே உள் குத்து இருக்குன்னு அர்த்தம். வள்ளுவரும் இப்படித்தான் "அ" விலே ஆரம்பித்து இருக்காரு.
அகர முதல எழுத்தெல்லாம் ஆதி
பகவன் முதற்றே உலகு
ஆக வரியிலே ஒரு "அ" போட்ட மாதிரியும் ஆச்சி, வள்ளுவருக்கு ஒரு வணக்கம் சொன்ன மாதிரியும் ஆச்சி.யோவ் குடுகுடுப்பை என்னைய போய் இப்படி எல்லாம் சிந்திக்க வச்சிடீரே.
அடுத்த வரியை நல்லா உன்னிப்பா கவனீங்க, அதிலே ஒண்ணுமே இருக்காது, இருந்தாலும் அதை ஏன் எழுதணும், "இதிலே இப்படி சொல்லி இருக்கு", இங்கே ஒரு இலக்கியமே ஒளிஞ்சி கிடக்கு, அதாவது "அதிலே", "இதிலே" எதுகை மோனை. இதையெல்லாம் நுட்பமா கவனிக்கலைனா தெரியாது.
அடுத்த ரெண்டு வரிதான் கவுஜையோட மைய கருத்து, முந்திய வரியிலே இருந்து லெப்ட்,ரைட் ன்னு இங்கிலிபிசி லே ரெண்டு வார்த்தை அதிகமா சேர்ந்து இருக்கு.அதாவது நான் தமிழில் மட்டுமல்ல ஆங்கிலத்திலும் ரவுடி என்பதை நிருபிக்க எழுத்தப் பட்டது.
அடுத்த வரி சமுதாய தொலை நோக்கு பார்வை கொண்டது,சிந்தனை என்பது கட்டாயம் வேண்டும் என்று கட்டளை இடவில்லை, ஆனா சிந்திக்கலைனா இப்பபட்ட கவுஜைகள் மூலமாக தண்டனை வழங்கப்படும் என்று அன்பாக கூறுகிறார் குடுகுடுப்பையார்.
"அதுல அதுல சொல்லிருக்கறதுக்கு மேல சிந்திக்கறதுக்கு"
அடுத்த வரும் வரிகளிலே எல்லாம் கேள்வி கணைகளை தொடுத்து இருக்கிறார், இப்படி எல்லாம் கேள்வி கேட்க மனுஷன் எங்கே படிச்சாருன்னு தெரியலை, இதுல..இதுல எதையோ சொல்ல முயற்சி செய்தது இருக்கிறார், ஆனா அது எதிலே ன்னு தெரியலை. பாருங்க நான் இப்ப அந்த அதிலே, இதிலேயை படிச்சி கந்தலாகிட்டேன்.
அசல் இங்கே
